अर्थतन्त्र

सेयर बजारमा राताम्मे, सबै समूहको उपसूचक घटे

• गाउँ सहर संवाददाता
• १३ असोज आइतबार, २०८१ | १६:०८:०० मा प्रकाशित

काठमाडौं । साताको पहिलो कारोबार दिन नेप्से परिसूचक दोहोरो अंकले घटेर बन्द भएको छ। नेप्से परिसूचक २२.३६ अंकले घटेर २४६४.४० विन्दुमा कायम भएको छ। सेन्सेटिभ इण्डेक्स ०.५७ अंकले  घटेर ४४४.८९ विन्दुमा पुगेको हो।

यसदिन ३२७ स्क्रिप्सको १ करोड ३ लाख ११ हजार ८८५ कित्ता सेयर ४ अर्ब ५ करोड ६ लाख ५८ हजार ३६ रुपैयाँमा खरिदबिक्री भए। दोहोरो अंकले घटेको बजारमा कुनै पनि कम्पनीको सेयर सकारात्मक सर्किट लेभलमा कारोबार भएन।

यसदिन विन नेपाल लघुवित्त वित्तीय संस्थाको सेयर सर्वाधिक ६.५५ प्रतिशतले बढ्यो। अपर स्यांगी हाइड्रोपावरका लगानीकर्ताले भने गुमाए। सो कम्पनीको सेयर ९.९९ प्रतिशतले घट्यो। कारोबार रकमका आधारमा  एनएलजी इन्स्योरेन्स कम्पनी शीर्ष स्थानमा रह्यो। सो कम्पनीको १५ करोड ९२ लाख रुपैयाँ बराबरको सेयर कारोबार भयो।

यसदिन मनु एण्ड प्रो समूहको उपसूचकबाहेक अन्य समूहको उपसूचक नकारात्मक देखिएका छन्। कारोबारमा आएका ४६ स्टक्सको मूल्य बढ्दा १९३ वटाको घट्यो। यसदिन ५ समूहको  मूल्य भने स्थिर रह्यो।