चितवनको विजयी सुरुवात, विराटनगरको हार
- गाउँ सहर संवाददाता
- १० कार्तिक मंगलबार, २०८३ | १६:२८:०० मा प्रकाशित
काठमाडौं। डविड मलानको उत्कृष्ट ब्याटिङ र कमल ऐरिको कसिलो बलिङमा चितवन राइनोजले नेपाल प्रिमियर लिग (एनपिएल)मा विजयी सुरुवात गरेको छ।
आज पहिलो खेलमा विराटनगर किंग्सलाई ८ रनले हराउँदै चितवनले एनपीएलमा सुखद सुरुवात गरेको हो।
चितवनले दिएको १ सय ५८ रनको लक्ष्य पछ्याएको विराटनगर ३ बल अगावै १ सय ४९ रनमा अलआउट भयो।
विराटनगरका लागि ओपनर इमरान शेखले ३९ र लोकेश बमले २६ रन बनाए। आन्द्रे रसेल ३३ रन बनाउँदै पेभेलियन फर्के। एंगेलो म्याथुसले १४ र बसिर अहमदले १३ रन थपे। रुपेश सिंह, प्रतिश जि.सी र कप्तान सन्दीप लामिछाने शुन्य रनमा नै आउट भए।
चितवनका लागि कमल ऐरिले ४ विकेट लिए। उनले आफ्नो स्पेलमा २६ रन खर्चे। रिजन ढकालले २ विकेट लिए। रन्जित कुमार, टम टेलर, डान मुस्ले र मौसम ढकालले समान एक विकेट आफ्नो नाममा गरे।
त्यसअघि कीर्तिपुरस्थित त्रिवि क्रिकेट मैदानमा विराटनगरले टस जितेर फिल्डिङ रोजेपछि ब्याटिङ गरेको चितवनले निर्धारित २० ओभरमा ३ विकेटको क्षतिमा १ सय ५७ रनको योगफल तयार पारेको थियो।
चितवनका लागि ओपनर डविड मलानले ७० रनको महत्वपुर्ण योगदान दिए। उनले ५० बलमा ५ चौका र ५ छक्का सहयोगमा ७० रन बनाउँदा आन्द्रे रसेलको बलमा बोल्ड आउट हुन पुगे।
अर्का ओपनर देव खनालले १५ बलमा १२ रन बनाउँदा आउट भए। अर्जुन साउद ३ रन बनाउँदा क्याच आउट हुन पुगे।
कप्तान रवि बोपारा ३२ र डान मुस्ले २९ रनमा अविजित रहे। रविले २६ बलमा १ चौका र २ छक्का प्रहार गरे।
विराटनगरका लागि एंगेलो म्याथुस, आन्द्रे रसेल र चरिथ असलंकाले समान एक विकेट लिए।
आजै हुने दोस्रो खेलमा कर्णाली याक्स र जनकपुर बोल्ट्स खेल्नेछन्। खेल साँझ ५ बजे सुरु हुनेछ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- पोखरामाथि सुदूरपश्चिमको जित
- तीन महिनामै व्यापार घाटा साढे ५ खर्ब नजिक, ३५ प्रतिशतले वृद्धि
- तीन पटक बत्ती जाँदाको एक दृश्य
- एनपीएल खेलमा आज सुदूरपश्चिम र पोखराबीच प्रतिस्पर्धा हुँदै
- मौसम पूर्वानुमान: डरलाग्दाे चक्रवात ‘अर्नब’ कहिले भित्रिदैछ नेपालमा ?
- लेखनाथ जेसिजको जेसिज सप्ताह–२०२६, विभिन्न कार्यक्रम हुँदै
- भारी हिमपातको जोखिम : कात्तिक १२ देखि १४ गतेसम्म पदयात्रा नगर्न आग्रह
- नेप्से सूचक झिनो अंकले उकालाे, कारोबार रकम साढे ५ अर्ब माथि
- मौलिक संस्कृति संरक्षणको सन्देशसहित ‘गाउँघरै घमाइलो’ सार्वजनिक
- भोटेकोशी बाढीबाट भएको क्षतिमा २० अर्ब ९० करोडको बीमा दाबी, भुक्तानी २३ करोड मात्रै
प्राप्त प्रतिक्रिया
तपाईँको मत
.png)
प्रतिकृया दिनुहोस