खेल

लुम्बिनीले चितवनलाई दियो एक सय ६८ रनको लक्ष्य, रोहित र सादको अर्धशतक

• गाउँ सहर संवाददाता
• २५ मङ्सिर मंगलबार, २०८१ | १०:४३:०० मा प्रकाशित

काठमाडौं । नेपाल प्रिमियर लिग (एनपीएल)मा लुम्बिनी लायन्सले चितवन राइनोजलाई एक सय ६८ रनको लक्ष्य दिएको छ।

त्रिवि क्रिकेट मैदानमा टस हारेर पहिला ब्याटिङ गरेको लुम्बिनीले निर्धारित २० ओभरमा छ विकेट गुमाएर एक सय ६७ रन जोडे।

उसका लागि कप्तान रोहित कुमार पौडेल र साद बिन जफरले क्रमशः ८० र ५२ रन बनाए। अर्जुन साउदले १५ रन बनाउँदा टम मोर्सले १० रन जोडे।

लुम्बिनीका लागि ओपनर आशुतोष गिराहिया १ रनमा आउट हुँदा तेस्रो नम्बरमा आएका उन्मुक्त चन्द समेत डक भए। सन्दीप जोराले अन्तिममा चार रनको अविजित पारी खेले।

चिवतनका लागि रिजन ढकालले तीन तथा कप्तान कुशल मल्ल र रञ्जित कुमारले एक–एक विकेट लिए।

चितवनले केहीबेरमा जवाफी ब्याटिङ गर्नेछ। जारी प्रतियोगितामा लुम्बिनीले एउटा पनि खेल जित्न सकेको छैन भने चितवन चार खेलमा तीन जितसहित तालिकाको तेस्रो स्थानमा छ।