अर्थतन्त्र

नेप्से परिसूचक र काराेबार रकम दुवै बढ्याे

• गाउँ सहर संवाददाता
• ७ माघ सोमबार, २०८१ | १६:४०:०० मा प्रकाशित

काठमाडौं । साताको दोस्रो कारोबार दिन सोमबार शेयर बजार सामान्य अंकले बढेको छ । यसदिन नेप्से परिसूचक ६.७८ अंकले बढेर दुई हजार ६०७.९९ अंकमा बजार बन्द भएको छ । 

आज कारोबार रकम पनि सामान्य बढेको छ । आइतबार ६ अर्ब २५ करोड ७२ लाख रुपैयाँ बराबरको एक करोड २९ लाख ८२ हजार ६१९ कित्ता शेयर कारोबार भएकोमा यसदिन ६ अर्ब ५७ करोड रुपैयाँ बराबरको १ करोड ३६ लाख ७७ हजार ९८३ कित्ता शेयर खरिदबिक्री भएको छ ।

आज सेन्सेटिभ इन्डेक्स ०.१०, फ्लट इन्डेक्स ०.२८ र सेन्सेटिभ फ्लट इन्डेक्स ०.०५ अंकले बढेकोमा १३ उपसमूहमध्ये ८ उपसमूहको शेयर उकालो लागेको छ । यस्तै कारोबारमा आएका २४३ मध्ये ११८ कम्पनीको शेयर बढ्दा ११७ कम्पनीको शेयरमूल्य घटेको छ भने बाँकी ८ कम्पनीको शेयर स्थिर छ ।

आज मानुषी लघुवित्तका लगानीकर्ताले सर्वाधिक ९.०५ प्रतिशतले कमाएका छन् । यता, विन नेपाल लघुवित्त, सुपर मादी हाइड्रोपावर र भूगो इनर्जी डेभलपमेन्ट कम्पनीको शेयरमा नकारात्मक सर्किट लागेको छ । यस्तै  १० प्रतिशत एनआईसी एशिया डिबेन्चरका लगानीकर्ताले पनि ९.९६ प्रतिशतले गुमाएका छन् ।