गाउँ सहर

धार्मिक पर्यटकीय क्षेत्र साधुहोलीमा विपीको सम्झना

• गाउँ सहर संवाददाता
• १२ श्रावण सोमबार, २०८२ | २२:४६:०० मा प्रकाशित

दमक । प्रथम जननिर्वाचित प्रधानमन्त्री विश्वेश्वरप्रसाद कोइराला (बिपी) को ४३ औं स्मृति दिवसको अवसर पारेर झापाको कमल ५ स्थित आन्तरिक पर्यटनको गन्तव्यको रुपमा विकास गरिँदै लगेको साधुहोली सिमसार क्षेत्रमा बृक्षारोपणसहित फोहोरमैला व्यवस्थापन सामग्री राखिएको छ ।

नेपाली कांग्रेस कमल गाउँ समितिले कमल गाउँपालिका अध्यक्ष समेत रहेका कांग्रेस कोशी प्रदेश समिति सदस्य एवं महासमिति सदस्य हुकुमसिंह राईको प्रमुख आतिथ्यमा आयोजित कार्यक्रममा बिपी कोइरालाको राजनीतिक, साहित्यीक जिवन र समाजवादका विषयमा चर्चा पनि गरिएको थियो ।