गाउँ सहर

अशक्तकाे घर दैलाेमै कागेश्वरी मनोहरा नगरपालिकाकाे सेवा

• गाउँ सहर संवाददाता
• ११ श्रावण आइतबार, २०८२ | १९:५२:०० मा प्रकाशित

काठमाडाैं । स्थानीय सरकार भनेकाे नागरिककाे सबैभन्दा नजिककाे सरकार हाे । स्थानीय सरकारले सामाजिक सुरक्षा जेष्ठ नागरिक, बालबालिका, अपाङ्ग, अशक्त र असहायहरूको संरक्षण गर्ने जिम्मेवारी गरिरहेकाे हुन्छ ।

कागेश्वरी मनोहरा नगरपालिकाले पनि असहाय, अशक्त र ९० वर्षभन्दा बढि माथिका जेष्ठ नागरिकका घरदैलाेमा पुगेर सामाजिक सुरक्षा भत्ताका लागि बायाेमेट्रिक नविकरण गरेकाे छ ।

नगर-उपप्रमुख शान्ता थापाका अनुसार नगरपालिकाले स्थानीय टाेलहरूकाे केन्द्र ताेकेर बायाेमेट्रिक नविकरण गर्नुका साथै असहाय, अशक्त र ९० वर्षभन्दा बढि माथिका जेष्ठ नागरिकका घरदैलाेमा पुगेर सामाजिक सुरक्षा भत्ताका लागि बायाेमेट्रिक नविकरण गरिएकाे बताइन् । 

उक्त सेवा साउन ५ गतेदेखि ८ गतेसम्म सञ्चालन गरिएकाे र छुटेकाहरूका लागि १३ र १४ गते नविकरण गरिने सामाजिक सुरक्षा तथा पञ्जीकरण शाखाका अधिकृत श्रीराम खनालले जानकारी दिए ।  

घरमै पुगेर नगरपालिकाले सेवा दिएपछि जेष्ठ नागरिकहरूले खुशी व्यक्त गरेका छन् ।