गाउँ सहर

रसुवागढी बाढीले बगाएको स्थानमा सडक नबनाउने सरकारको निर्णय

• गाउँ सहर संवाददाता
• ५ असोज सोमबार, २०८३ | १२:१९:०० मा प्रकाशित

काठमाडौँ। सरकारले रसुवागढी क्षेत्रमा बाढीले बगाएको स्थानमा पुनः सडक निर्माण नगर्ने जनाएको छ।

संसद्को पूर्वाधार विकास समितिको बैठकमा सांसदहरूले उठाएका प्रश्नको जवाफ दिँदै भौतिक पूर्वाधार विकासमन्त्री सुनिल लम्सालले नदीले कटान गरेका कारण पहिरो गएको स्थानको आवश्यक संरचना सुधार गरिने तर जोखिमयुक्त स्थानमा पुनः सडक नबनाइने स्पष्ट पारे।

मन्त्री लम्सालका अनुसार बाढी तथा नदी कटानका कारण सडक भत्किएको स्थानमा आवश्यकताअनुसार सडकको संरचना उठाउने र सुरक्षित बनाउने काम गरिनेछ। तर नदीको बहाव तथा भू–क्षयको उच्च जोखिम रहेका अन्य स्थानमा पुरानै संरचनाअनुसार सडक निर्माण गर्ने सरकारको योजना नरहेको उनले बताए।

उनले सडक निर्माण गर्दा भविष्यमा बाढी, पहिरो तथा नदी कटानबाट हुने क्षतिलाई समेत ध्यान दिनुपर्नेमा जोड दिए।