वातावरण

तीन जिल्लाका छ पालिकामा भारी वर्षाको जोखिम, सतर्क रहन आग्रह

• गाउँ सहर संवाददाता
• ९ असोज शुक्रबार, २०८३ | १८:४६:०० मा प्रकाशित

काठमाडौँ। नेपाल मौसम पूर्वानुमान महाशाखाले असोज ९ गतेदेखि असोज ११ गते बिहानसम्म तीन जिल्लाका विभिन्न पालिकामा भारी वर्षाको सम्भावना रहेको जनाएको छ।

महाशाखाका अनुसार प्युठानका माण्डवी र सरुमारानी गाउँपालिका, जाजरकोटका नलगाड र बारेकोट तथा बझाङका केदारस्यूँ र थलारा गाउँपालिका भारी वर्षाको प्रभावमा पर्न सक्नेछन्।

भारी वर्षाका कारण बाढी, पहिरो तथा अन्य विपद्को जोखिम हुन सक्ने भएकाले सम्बन्धित क्षेत्रका बासिन्दालाई मौसमको अवस्था र महाशाखाले जारी गर्ने थप सूचनामा ध्यान दिन आग्रह गरिएको छ।

महाशाखाले सम्भावित जोखिमबाट जोगिन आवश्यक सतर्कता र पूर्वसावधानी अपनाउन समेत अनुरोध गरेको छ।