वातावरण

भारी वर्षा र हावाहुरीको सम्भावना, सतर्क रहन आग्रह

• गाउँ सहर संवाददाता
• ८ असोज बिहीबार, २०८३ | १८:४१:०० मा प्रकाशित

काठमाडौँ। मौसम पूर्वानुमान महाशाखाले देशभर मनसुनी र पश्चिमी वायुको आंशिक प्रभावसँगै वर्षाको सम्भावना बढेको जनाएको छ।

बङ्गालको खाडीमा बनेको न्यून चापीय क्षेत्र हाल भारतको उत्तर आन्ध्र प्रदेश र दक्षिण ओडिशा आसपास रहेको छ। यसको प्रभावले आज राति कोशी, बागमती, गण्डकी, लुम्बिनी र कर्णाली प्रदेशका केही स्थानमा भारीदेखि धेरै भारी वर्षा हुने सम्भावना छ। लुम्बिनी र गण्डकीका एक–दुई स्थानमा अति भारी वर्षा हुन सक्ने महाशाखाले जनाएको छ।

मधेससहित तराईका केही क्षेत्रमा तीव्र हावाहुरी समेत चल्न सक्ने अनुमान छ। भारी वर्षाका कारण बाढी, पहिरो, गेग्रान बहाव र भू–क्षयको जोखिम रहेकाले महाशाखाले सर्वसाधारणलाई सतर्क रहन तथा मौसमसम्बन्धी अद्यावधिक सूचना नियमित हेर्न आग्रह गरेको छ।