गाउँ सहर

छठको रौनक: अस्ताउँदो सूर्यलाई अर्घ्य दिएर सम्पन्न भयो ‘सझिया अरख’

• गाउँ सहर संवाददाता
• २९ कार्तिक आइतबार, २०८३ | १८:४७:०० मा प्रकाशित

महोत्तरी। लोकआस्थाको महापर्व छठअन्तर्गत अस्ताउँदो सूर्यलाई अर्घ्य दिएर आइतबार साँझ ‘सझिया अरख’ विधि सम्पन्न गरिएको छ।

महोत्तरीसहित मिथिला क्षेत्रमा व्रतालुले नदी, तलाउ तथा विभिन्न जलाशयमा बनाइएका घाटमा पुगेर अस्ताउँदो सूर्यलाई पहिलो अर्घ्य दिएका हुन्। मिथिला र विद्यापति पञ्चाङ्गअनुसार आइतबार साँझ ५:१० बजे सूर्यास्तको समयमा अर्घ्य दिइएको हो।

यसअघि व्रतालुले छठको पहिलो दिन ‘नहाय–खाय’ र दोस्रो दिन ‘खरना’ विधि सम्पन्न गरेका थिए। अब सोमबार बिहान उदाउँदो सूर्यलाई दोस्रो अर्घ्य दिएसँगै छठ पर्व सम्पन्न हुनेछ। पञ्चाङ्गअनुसार सोमबार बिहान ६:२६ बजे सूर्योदय हुने जनाइएको छ।