नारायणी नदिको किनारबाट १७ क्विन्टल क्यानेडियन केराउ बरामद
- अंगद यादव
- २० असोज मंगलबार, २०७७ | १३:१०:०० मा प्रकाशित
नवलपरासी पश्चिम । नवलपरासी पश्चिमको ईलाका प्रहरी कार्यालय बेलाटारीले क्यानेडियन मटर (केराउ) बरामद गरेको छ । मध्यराती ईलाका प्रहरी कार्यालय बेलाटारीका प्रहरी निरीक्षक खुमानन्द पाण्डेय र प्रहरी चौकी रामनगरका इन्चार्ज जनक थापाको संयुक्त गस्ती टोलीले केराउ बरामद गरेको हो ।
रातीको करिब साढे १२ बजेको समयमा सुस्ता-५ पक्लिहवाको ठोक्कर नं.-२ स्थित नारायणी नदिको किनारमा बेवारिसे अवस्थामा राखिएको १७ क्विन्टल क्यानेडियन मटर (केराउ) गस्ती टोलीले बरामद गरेको जिल्ला प्रहरी कार्यालय नवलपरासी पश्चिमका प्रहरी नायब उपरीक्षक एवं सुचना अधिकारी राजु लामाले जानकारी दिए ।
लामाको अनुसार प्रहरीले गस्ती गर्ने क्रममा नारायणी नदिको किनारमा पुग्दा बोरा जस्तो देखिएपछि नजिक पुगेर हेर्दा मटर (केराउ) रहेको र प्रहरीको गाडी देखेर तस्कर भागेको हुन सक्ने अनुमान प्रहरीले गरेको छ ।
बरामद भएको मटर (केराउ) आवश्यक कामकारबाहीको लागि भन्सार कार्यालय महेशपुर पठाउने तयारी भएको ईलाका प्रहरी कार्यालय बेलाटारीका प्रहरी निरीक्षक खुमानन्द पाण्डेयले जानकारी दिए ।
अंगद यादव
यादव गाउँ सहर डटकमका नवलपरासी संवाददाता हुन् ।
- भोजका लागि खाना बनाउने क्रममा आगलागी हुँदा तीन घर जलेर नष्ट
- सात वटै प्रदेशहरुमा सुविधा सम्पन्न अन्तराष्ट्रिय स्तरका अस्पतालहरु निमार्ण गर्छु : मन्त्री त्रिपाठी
- उत्कृष्ट प्रहरीमा प्रहरी सहायक निरीक्षक घरभरन तेली सम्मानित्
- उदाउँदो सूर्यलाई अर्घ्य दिँदै आस्थाको महापर्व छठ सम्पन्न
- अस्ताउँदो सूर्यलाई अर्घ्य दिँदै छठ श्रद्धालु
- पूर्व-पश्चिम राजमार्गमा गाडी रोकी जबरजस्ती पैसा असुल्ने ६ जना प्रहरीको नियन्त्रणमा
- ३ लाख भन्दा बढीको चाँदीको गरगहना सशस्त्र प्रहरीको नियन्त्रणमा
- जर्सी गाईसहित अबैध मालसामान प्रहरीको नियन्त्रणमा
- नारायणी नदीमा डुङ्गा पल्टिँदा एक जना बेपता
- पिकअप र मोटरसाइकल सहित १४ लाख भन्दा बढीको हरियो मटर प्रहरी नियन्त्रणमा
प्रतिकृया दिनुहोस