गाउँ सहर

दशैँ टीकाकाे उत्तम साइत ११ बजेर ३६ मिनेटमा, टीका लगाई माग्ने व्यक्ति पूर्व फर्किएर बस्नुपर्ने

• गाउँ सहर संवाददाता
• २५ असोज शुक्रबार, २०८१ | १४:४३:०० मा प्रकाशित

काठमाडौँ । नवरात्रको अन्तिम दिन आज महाअष्टमी र महानवमी मनाइँदै छ । तिथि घटबढका कारण आज अष्टमी र नवमी एकैदिन परेका हुन् । नवरात्रिको समाप्तिसँगै शनिबार नवदुर्गाको प्रसाद जमरासहित टीका ग्रहण गरी विजयादशमी मनाउने प्रचलन छ ।

शनिबार बिहान ८ बजेर ३३ मिनेटमा देवी विसर्जन गरी बिहान ११ बजेर ३६ मिनेटमा टीका लगाउने उत्तम साइत रहेको पञ्चाङ्ग निर्णायक विकास समितिले जानकारी दिएको छ ।

यस पर्वका अवसरमा देशभरका शक्तिपीठमा भक्तजनको विशेष उपस्थिति रहन्छ । शक्तिपीठमा बलिसहित पूजा गर्ने भक्तजनको पनि बाक्लो उपस्थिति रहन्छ ।

टीका लगाउँदा टीका लगाई माग्ने व्यक्ति पूर्व फर्किएर बस्नुपर्ने छ । मान्यजनबाट टीका थाप्ने क्रम कोजाग्रत पूर्णिमासम्म चल्नेछ ।